close
這一晚，三個大男孩坐在酒吧的一角，聽著他們的死黨傾訴。
「今次係我第五次收好人卡啦…」King，今晚的主角，在旁人眼中是一名絕種好男人。
King今年三十歲，工作短短六年間，就由一名文員晉升至助理經理，擁有六名下屬，而且家住私樓，理應屬於「溝死女」的那種男人，但事實卻剛剛相反，三十歲的他，戀愛經歷仍然停留在「零」這個數字上。
King是四人中條件最好的一個，雖然算不上英俊，但因為常做運動的關係，所以身型很fit，偏偏其餘三人都已有戀愛經歷，最少的一個亦已經有兩次戀愛經歷。
「你係咪又犯咗『咩都無所謂』的毛病？」Bobby問。
在這四人當中，只有King對甚麼都無所謂，到哪裡飲酒無所謂；到哪裡吃飯無所謂；睇哪套電影無所謂；甚至連別人遲到都無所謂。換轉其餘三人的其中一個，飲酒吃飯睇戲絕對是意見多多，若果遇上別人遲到，只要沒有合理解釋，亦會痛罵一餐。
「你知我呢個人一向都係咁架啦，其實咁樣對女仔嚟講，唔係會更加好咩？有人咁就得佢哋喎！」King不解的道。
每次King約自己心儀的女生，總會十分遷就女生，到哪裡吃飯由女生決定；睇哪套電影由女生決定；甚至連女生遲到，他似乎也視為理所當然。
會跟King開始約會的女生，當然對他的印象不差，而他的條件更被不少女生視為「筍盤」，但正因為他的「無所謂」性格，往往令女生漸漸遠離他。
「其實你呢種性格，女仔最唔鍾意。」戀愛專家Keith道，他有十次戀愛經歷。
「唔通佢哋反而會鍾意大男人咩？」King問。
「無論佢係港女成點，最終都係想有個男人可以保護自己，當然佢哋唔係想要一個極端大男人啦，但點都要少少大男人特質，先會吸引到佢哋。你試諗下，如果個男人好似你咁，咩都俾個女仔決定，到佢有咩難題要解決的時候，佢又點會覺得你可以俾到意見佢？如果你連意見都俾唔到佢的時候，佢又點會信你可以保護到佢？」Keith道。
可能不少人以為，只要對女生百般遷就，就可以奪其芳心，但有時事實就是剛巧相反，當你不斷遷就她的時候，就會連可以吸引女生的男性特質也失去，雖然這種人做朋友是絕對不錯，但若果是男朋友呢？女生大多數會耍手擰頭。
我們常說女生重物質，殊不知其實女生對物質上的要求，反而不及心靈上的溝通來得重要。
正如男生當自己是《鹿鼎記》的韋小寶，在七個老婆當中只可以選一個，以前做過的調查得出的結果，最多人選的是建寧公主，而不是阿珂或雙兒。
周凌
https://www.facebook.com/pages/周凌/666859480032755
愛得很滋味@周凌
http://women.fanpiece.com/ChowLing/
文章標籤
全站熱搜
留言列表
